Айдар Ракипов: “Кечкенә чагында металл тапшырып акча эшли идем...”

Айдар Ракипов кечкенәдән үзен үзе тәэмин итәргә тырышкан. “Кечкенә чагында дус егет белән металл тапшырып, акча эшли идек. Шул акчага өйгә чәй эчәргә тәмле әйберләр алып кайта идем. Кыскасы, акча кадерен белеп үстек. Минем кесәмдә, мәсәлән, 2000 сум акча булса, мин беркайчан да аны шул ук вакытта туздырып бетермим, ул акчаның ничек кергәнен беләм. Бүген үземне затлы киемнәрдән киендерергә, кыйммәтле аранжировкалар ясатырга тырышам. Әлегә сыйфаты югарырак булсын дип, Казахстанда җыр яздырып йөрим”, диде Айдар Ракипов.