Лилия Хәйруллина, тәвәкәлләп, куркыныч гамәл башкарган

Җырчы Лилия Хәйруллина хәзерге вакытта Бали утравында ял итә. Күргән һәр яңалыгы, кызыклы хәлләр белән Инстаграм аккаунтында бүлешә ул.
Ә бүген ул күптән эшләп карарга теләгән, әмма бик курыккан гамәл башкарган.  “Бүген, куркуымны җиңеп, беренче тапкыр вейкбордка бастым”, ди Лилия. Моңа кадәр ул үзенең судан куркуы турында белдергән иде. Җырчының әлеге экстремаль спорт төре белән шөгыльләнүеннән видеоны аның Инстаграм битендә карап була.