Ни сәбәпле Рамил Галимҗанов хәзер Эльмира Сөләйманова белән түгел?

Рамил Галимҗановны халык Эльмира Сөләйманова белән дуэт башкаручы буларак таный башлады. Тик хәзер алар бергә җырламыйлар, Рамил Галимҗанов үзен солода сыный. Эльмира Сөләйманованың концертларында ул кунак буларак кына, килешү дә төземичә җырлап йөргән. “Аерым чыгыш ясый башлау минем теләгем буенча булды. Эльмираның мине җибәрәсе килмәсә дә, каршы тормады. Ул ‒ мине сәхнәгә алып чыккан кеше. Минем аңа рәхмәтемнән башка сүзем юк”,‒ дип уртаклашты Рамил Галимҗанов.

Автор: Йолдыз Гибадуллина