Филүс Каһировның нинди бөек хыялы чынга ашкан?

Филүс Каһиров шушы көннәрдә Италияның Милан шәһәрендә булды. Ул андагы легендар Ла Скала театрын күргән. Бу Филүс Каһировның күптәнге бөек хыялы булган, чөнки әлеге бинада дөньяның иң танылган, талантлы җырчылары чыгыш ясаган. Шушы театр янында басып тору гына да Филүс Каһировның күңеленә рәхәтлек бирә, йөрәген тетрәндерә икән. Хәзер Филүс Каһировның башка хыялы: шушы легендар бинада бер генә тапкыр булса да чыгыш ясыйсы килә аның.